प्रधानमन्त्री चयनमा छिटो निकासको लागि गैरआवासीय नेपालीहरुको हार्दिक अपिल

मिती | August 10, 2010 | Posted By | पहिलो प्रतिकृया दिनुस् | 243 पटक पढेको

हालको प्रधानमन्त्री चयन प्रक्रियाले मूर्त रुप पाउन नसक्दा मुलुक अनिर्णयको बन्दी बनेको छ र परिस्थिति अझ विग्रेर जाने होकि भनेर विदेशमा रहेका गैरआवासीय नेपालीहरु अत्यन्त चिन्तित भएका छन् । गत साउन ५, ७, १७ र साउन २१ गते चौथो पटक पनि व्यवस्थापिका संसदमा भएको प्रधानमन्त्री चयन प्रक्रियाले कुनै ठोस उपलव्धी हासिल गर्न नसकेपछि आन्तरिक एवं वाह्य रुपमा समेत मुलुकको छवी माथिनै नराम्रो संदेश गएको र यही क्रम जारी रहेमा नेपाल एक असफल राष्ट्रको रुपमा परिणत हुने कुराको संकेत तर्फ गैरआवासीय नेपाली संघ सचेत छ ।

विगतमा भएको दोश्रो जनआन्दोलन मार्फत मुलुकले छोटो अवधीमै ठूलो उपलव्धी हासिल गरि विश्वमा राम्रो संदेश दिन सफल भएको थियो । जसको फलस्वरुप समयमा नै संविधान बनेर देश आर्थिक विकासको पक्षमा द्रुततर गतिले लम्किएला भन्ने आशा समस्त देशवासीहरुमा पलाएको थियो । तर विडम्वनाबस देशमा संविधान बन्नुको सट्टा राजनीतिक दलहरु बीच ठूलो गतिरोध पैदा भई थपिएको समयभित्र पनि संविधान नवन्ने होकि भन्ने संका समेत उत्पन्न भएको छ ।
समयमा प्रधानमन्त्री चयन नभएकोले सरकारको पूर्ण बजेट आउन सकेको छैन । कतिपय नीतिगत कार्यहरु अघि बढ्न सकेका छैनन र विकास निर्माणको काम समेत अवरुद्ध भएको छ । नयाँ सरकार वन्न नसक्दा कर्मचारी तन्त्रमा समेत नकारात्मक असर परेको छ । मुलुकको आर्थिक स्थिति अझ नाजुक भएको छ । हाम्रा दातृ राष्ट्रहरु हेर र पर्खको स्थितिमा छन् । यस्तो स्थितिमा प्रधानमन्त्री चयन गर्ने जस्तो अत्यन्त संवेदनशील विषयमा भएको यो ढिलाई र खिचातानीले कतै मुलुकको छवीमा नै आँच आउने त होइन भन्ने तर्फ आम जनतामा चिन्ता र भय व्याप्त भएको छ ।

राजनितीक दलहरु जिम्मेवार रुपमा प्रस्तुत हुन नसक्दा मुलुक संकटमा फस्दै गएको छ। अब पनि दलहरु जिम्मेवार नहुने हो भने समयमै संविधान नबन्ने र मुलुक पनि गम्भिर दुर्घटनामा पर्ने संभावनालाई नकार्न सकिन्न । तसर्थ सरकार निर्माण प्रक्रियालाई निष्कर्षमा पुर्‍याई मुलुकलाई अनिर्णयको बन्दी हुनबाट जोगाउन गैरआवासीय नेपाली संघ व्यवस्थापिका संसद, माननीय सभासद्हरु, जिम्मेवार राजनीतिक दल र तीनका नेताहरु समक्ष हार्दिक आग्रह गर्दछ ।

मितिः २०६७ साउन २४

Related posts:

  1. चौथो गैरआवासीय नेपाली सम्मेलन पूर्व विभिन्न कार्यक्रमहरु सम्पन्न – किरियापुत्री कम्प्लेक्स निर्माणका लागि तीन करोडको सहयोग सम्झौता
  2. चौथो गैरआवासीय नेपाली विश्व सम्मेलनद्धारा १९ बुंदे काठमाडौ घोषणापत्र जारी
  3. एनआरएन सम्मेलनमा प्रधानमन्त्री माधवकुमार नेपालले दिनु भएको मन्तव्य
  4. चौथो गैरआवासीय नेपाली विश्व सम्मेलन २०६६ द्वारा जारी काठमाडौं घोषणापत्र
  5. राष्ट्रिय समन्वय परिषदहरुद्वारा दोहोरो नागरिकताको माग पत्र प्रस्तुत:
Category: एन आर एन समाचार

Comments

प्रतिकृया दिनुस्




, कृपया सभ्य भाषा प्रयोग गर्नुहोला ।

हाम्रो बारेमा

एन आर एन डेनमार्क कार्यसमिति....Read more

बिधान्

    एन आर एन डेनमार्कको बिधान् read more

ICC and NRNA massage

    International Coordination Council (ICC) President Upendra Mahato's massage for nrndenmark read more

नेपाली पात्रो

यहाबाट खोज्नुस्

बिबिसी नेपाली रेडियो

एन आर एन भिडियो समाचार ।

नेपाली दुतबास् डेनमार्क

मनोरन्जन शिफारिस्

अभिलेख

Photo slide