उदार उद्यमी उपेन्द्र महतो

मिती | April 20, 2010 | Posted By | पहिलो प्रतिकृया दिनुस् | 233 पटक पढेको

वर्ष २०६६ नेपाली राजनीतिका लागि सुखद रहेन । अरू क्षेत्रमा पनि खासै उत्साह देखिएन । तर, गैरआवासीय नेपाली उद्यमी उपेन्द्र महतो भने धेरै उत्साही देखिए, जसले सामाजिक कार्यका लागि मात्रै नेपालमा करिब १७ करोड रुपियाँ खर्च गरे । र, त्यो सहयोग थियो- आफ्नी आमाको नाममा रहेको फूलकुमारी महतो मेमोरियल ट्रस्ट र व्यक्तिगत हैसियतको । सिराहाको कर्जन्हामा सात करोडको अस्पताल, समता शिक्षा निकेतनका देशभरि नौवटा स्कुल निर्माणका लागि ३ करोड ६० लाख, पशुपतिमा किरियापुत्री भवन निर्माणका लागि तीन करोड र धुलिखेलमा पतञ्जलि योगपीठको योग भवन निर्माणका लागि दुई करोड रुपियाँ दिएर महतो कल्याणकारी कार्यका लागि एक वर्षमै सबैभन्दा धेरै रकम दिने नेपालीमा दरिन पुगेका छन् । व्यावसायिक रूपमा नेपालमा काम थालेयता २१ करोड रुपियाँ सामाजिक क्षेत्रमा लगाइसकेका छन् उनले । सम्भवतः यो पनि एउटा कीर्तिमान हो ।

हो, व्यवसायीको सामाजिक उत्तरदायित्व हुन्छ र व्यक्तिको पनि । उपेन्द्र महतो पनि त्यसको अपवाद हुन सकेनन् । त्यसैले समाजसेवामा सहयोग गरेर त्यही दायित्वलाई पूरा गरिरहेको ठान्छन् । भन्छन्, “समाजले दिएको छ भने समाजलाई पनि दिनुपर्छ । त्यसैले, कुनै न कुनै रूपमा समाजले लगाएको ऋण चुक्ता गर्ने प्रयत्नमा छु र यसबाट मलाई खुसी, आत्मविश्वास र आत्मसम्मान प्राप्त हुन्छ ।”

सामाजिक कार्यको पाटो त छँदैछ, आफू र आफ्नो समूहको करिब २० करोड अमेरिकी डलर -करिब १४ अर्ब रुपियाँ) नेपालमा लगानी रहेको बताउने उनी तरल राजनीतिक अवस्थामा पनि मुलुकमा लगानी गर्न हौसिएका छन्, विदेशी लगानीकर्ताहरूलाई पनि आकषिर्त गराउँदै । ‘मेरो मोबाइल’बाट भर्खरै ‘एनसेल’मा परिणत भएको उनको लगानी रहेको मोबाइल सेवा प्रदायक स्पाइस नेपालमा यस वर्ष करिब १ अर्ब ४० करोड रुपियाँ थप लगानी हुँदैछ । खासगरी खराब राजनीतिक अवस्था र अन्योलका बाबजुद पनि उनी नेपालमा लगानी गर्न र गराउने ध्याउन्नमै देखिन्छन् । अहिले काठमाडाँै-वीरगन्ज विद्युतीय रेलमार्ग र दुईदेखि पाँच हजार मेगावाटसम्मका जलविद्युत् उत्पादन गर्ने योजनामा उनको आँखा गढेको छ । भन्छन्, “यी आयोजनाहरू अबको पाँच वर्षभित्र कार्यान्वयनमा गइसक्नुपर्छ ।” शिक्षा र स्वास्थ्यका क्षेत्रमा पैसा विदेशिइरहेको पनि उनलाई चित्त बुझेको छैन । र, जुनसुकै बेला पनि यसमा हात हाल्न सक्छन् उनी ।

गएकै वर्ष गैरआवासीय नेपाली संघको अध्यक्षबाट स-सम्मान बिदा भएका महतो संसारभरि छरिएर रहेका नेपालीहरूलाई एकै सूत्रमा बाँध्ने त्यस अभियानका नेतृत्वकर्ता पनि हुन् । आठ वर्षअघि उनको नेतृत्वमा सुरु भएको यो अभियान अहिले विश्वका ५५ मुलुकमा फैलिएको छ, जसमा जात-जाति, भाषा-भाषीको विभाजन छैन । सबै नेपालीका रूपमा एकताबद्ध छन् । यस अर्थमा नेपालीहरूलाई एकताको सूत्रमा बाँध्न उनको कसैभन्दा कम योगदान र समर्पण छैन ।

यिनै कारणले गर्दा उपेन्द्र महतो नेपाल वर्षव्यक्ति ०६६ चुनिएका हुन् ।

No related posts.

Category: एन आर एन समाचार

Comments

प्रतिकृया दिनुस्




, कृपया सभ्य भाषा प्रयोग गर्नुहोला ।

हाम्रो बारेमा

एन आर एन डेनमार्क कार्यसमिति....Read more

बिधान्

    एन आर एन डेनमार्कको बिधान् read more

ICC and NRNA massage

    International Coordination Council (ICC) President Upendra Mahato's massage for nrndenmark read more

नेपाली पात्रो

यहाबाट खोज्नुस्

बिबिसी नेपाली रेडियो

एन आर एन भिडियो समाचार ।

नेपाली दुतबास् डेनमार्क

मनोरन्जन शिफारिस्

अभिलेख

Photo slide