दुतावासमा दशैं कार्यक्रम ।

मिती | September 30, 2009 | Posted By | पहिलो प्रतिकृया दिनुस् | 268 पटक पढेको

कोपन्हेगन ११ असोज । महान चाड दशैंको उपलक्ष्यमा डेनमार्कमा पनि नेपाली हरुबीच शुभकामना आदान प्रदान तथा जमघट कार्यक्रम आयोजना गरिएको छ । डेनमार्क स्थित नेपाली दुतावास को आयोजनामा नवमी को सांझ मा उक्त कार्यक्रम गरिएको हो ।

उक्त जमघट पार्टीमा नेपाली हरुले एक आपसमा शुभकामना आदान प्रदान गरेका थिए । शुभकामना व्यक्त गर्दै डेनमार्क का लागी नेपाली राजदुत विजयकान्त लाल कर्ण ले नेपालीहरु बीच सामिप्यता कायम गर्न र दर्शै जस्तो महान पर्व मा नेपालीहरुलाई एकै थलोमा जमघट गराउने उदेश्यले यस्तो कार्यक्रम आयोजना गरिएको र यो एक परम्परा पनि भएको बताए ।

आयोजित कार्यक्रममा आगन्तुक नेपालीहरुलाई रात्रीभोज तथा जलपान को ब्यबस्ता गरिएको थियो र कार्यक्रममा उल्लेख्य संख्यामा नेपालीहरुको उपस्थिति रहेको थियो ।

कार्यक्रममा एन आर एन डेनमार्कका अध्यक्ष सोमनाथ सापकोटा र नेपाल डेनमार्क स्टुडेन्ट फोरुम का अध्यक्ष नविन पौडेल लगायत अन्य संघ संस्थाका पदाधिकारीहरुको पनि उपस्थिति रहेको थियो । कार्यक्रममा स्विडेनमा रहेका नेपाली हरुको पनि उपस्थिति थियो भने स्थानिय डेनिश नागरीक हरुको पनि उपस्थिति रहेको थियो ।

Dashain-party-in-Embassy-04
Dashain party in Embassy 047