डेनमार्क मा दशैं पार्टी

मिती | September 25, 2009 | Posted By | पहिलो प्रतिकृया दिनुस् | 188 पटक पढेको

कोपन्हेगन ६ असोज । महान चाड दशैंको उपलक्ष्यमा डेनमार्कमा पनि नेपाली हरुबीच शुभकामना आदान प्रदान तथा दशैं जमघट पार्टीको आयोजना गरिएको छ । नेपाल डेनमार्क स्टुडेन्ट फोरुम र गैर आवासिय नेपाली संघ (एन आर एन) डेनमार्क को संयुक्त पहल तथा आयोजनामा मा उक्त कार्यक्रमको आयोजना गरिएको हो ।

उक्त जमघट पार्टीमा नेपाली हरुले एक आपसमा शुभकामना आदान प्रदान गरेका थिए । शुभकामना मन्तव्य दिंदै कार्यक्रमका प्रमुख अतिथी डेनमार्क का लागी नेपाली राजदुत विजयकान्त लाल कर्ण ले विदेशमा रहेर पनि यसरी नेपालीहरु बीच यस्तो बृहत कार्यक्रम आयोजना हुनु गौरवको कुरा भएको बताए ।

कार्यक्रममा एन आर एन डेनमार्कका अध्यक्ष सोमनाथ सापकोटा ले यहां रहेका सम्पूर्ण नेपालीहरुलाई समेट्ने प्रयत्न गरिएको र यस्ता कार्यक्रमहरुलाई निरन्तरता दिइने बताए । नेपाल डेनमार्क स्टुडेन्ट फोरुम का अध्यक्ष डोल राज पौडेल (नविन) ले प्रवासमा रहेर पनि नेपाली हरुबीच एकता तथा सामिप्यता बढाउनका लागी यो कार्यक्रमको आयोजना गरिएको र नेपालीहरुको उल्लेख्य उपस्थितिले आफूलाई हौसला प्रदान गरेको बताए । विगत सालहरुमा जस्तै यो साल पनि यस्तो कार्यक्रम गर्न पाउंदा खुशि लागेको पनि उनले बताए ।

कार्यक्रममा डेनमार्कमा क्रियाशिल विभिन्न संघ संस्थाका प्रतिनिधि हरुको समेत उपस्थिती रहेको थियो । दशैं पार्टी मा नेपाली खाना का साथै सांस्कृतिक कार्यक्रम समेत प्रश्तुती गरिएको थियो । कार्यक्रममा नेपालीहरुको सहभागिता अत्याधिक रहेको थियो भने कार्यक्रम आयोजना स्थल आगन्तुक नेपाली हरुले खचाखच भरिएको देखिन्थ्यो । जमघटको खुशियालीमा नेपाली हरु एक आपसमा समूह बनाइ नाचेका पनि देखिन्थे । सांस्कृतिक कार्यक्रममा भाग लिएका हरुमध्यबाट गायन र नृत्य तर्फबाट उत्कृष्ट एक एक जनालाई नगद पुरस्कार समेत वितरण गरिएको थियो । कार्यक्रमको संचालन रामचन्द्र पाठक र सुमन खड्काले संयुक्त रुपमा गरेका थिए ।

कार्यक्रममा नेपाली दुतावास मा एक साता अघि मात्र आफ्नो कार्यभार संम्हाल्न आउनुभएका कन्सुलर प्रकाश सुवेदी र प्रथम सचिव हेमलाल भटराई लाई स्वागत अभिनन्दन गरिएको थियो । कार्यक्रममा स्विडेनबाट समेत नेपालीहरु आएका थिए भने नेपाली संस्कृति प्रती उत्सुक राख्ने स्थानिय डेनिश नागरीक हरुको पनि उपस्थिति रहेको थियो ।